陳凱琳應該怎樣回答劉芷欣

 

  

 

 

 

 

 

 







無綫新聞部記者劉芷欣問：

「領導香港的特首又應否全民投票選出？」

 

 

接受訪問的香港小姐冠軍陳凱琳答：

「始終你做緊嗰個 position（位置）嘅時候，

 

你都唔會想話個個人係針對你、反抗，

 

你都會想滿足到佢哋嘅需要。

 

我覺得依家都係個好適合嘅時候去開始做啲嘢，

 

正如我頭先提過，

 

真係開一啲會議，

 

大家可以一齊傾偈，

 

畀一個環境，

 

啲人覺得好安全，

 

可以畀我真係發揮到我啲嘢，

 

而你係真係聽緊我講。」



袁志偉覺得：搞到咁政治化。

曾志偉覺得：港姐不應談政治。

究竟陳凱琳應該怎樣回答劉芷欣，

才符合兩位志偉的要求呢？



red  yellow 幫手寫了兩個答案：



 Plan A

 「噢，呢 d 係唔係就係政治呢，我無興趣架，唔，不過我有其他

好多非政治的興趣，你問丫。  」



Plan B

「喔，政治簡直同愛情一樣，是一個...謎，我鍾意講愛情多 d，

不過，唔可以問 d 私隱架。」

但似不甚好，

雖然都暗藏一守一攻，

極速轉移視線，

但還是要講到「政治」兩個字。

各位 blog 友，

請幫一幫這一位有17萬選票的香港小姐吧。

 

 

 

 

 

參考資料：

 

1

 

超越想像的港姐

 

曾志豪

 

CCTVB的港姐選舉一語成讖，今屆口號「超越想像」，結果的確超越了我們的想像。

 

誰能想像記者會問港姐「點睇普選」？又誰能想像到港姐冠軍沒有像娛樂圈明星扮無知裝白痴「政治呢啲嘢人地唔識㗎！」，竟直接回答「選特首是較複雜問題……政府應多聽民意。」

 

師兄！她不是黃秋生杜汶澤，她只是一個22歲的柔弱女子，但答得爽朗直接，「政府應多聽民意」，幾多娛樂圈明星一世都講不出口。

 

超越想像，這位得到17萬票的港姐冠軍，竟然比梁振英更明白現時已經需要討論普選議程，不能坐着齋等阿爺指示。「我覺得而家都係個好適合嘅時候去開始做啲嘢，譬如話真係開一啲會議，大家可以一齊傾偈」。

 

超越想像，這位加拿大長大的陳凱琳很了解香港的政治局勢，居然會說「畀一個環境，啲人覺得好安全……而你係真係聽緊我講嘢。」

連一個小姑娘都看清現時香港局勢，不能給予一個「安全環境」讓人發表言論（仲有人送信俾林老師間學校、老師要申報政治立場），她那句「你真係聽緊我講嘢」簡直是送CY一程，市民發了聲，政府收到幾多？

 

超越想像，堂堂特首居然會開腔回應娛樂版的港姐冠軍，並講一句「我也支持普選」。

 

共產黨都話中國人有人權，不過係「食飯溫飽」權矣；CY支持的是甚麼「普選」，大家心中有數。

輿論最初以台灣馬英九的當選票數689萬和CY的689對比，今天卻以港姐的17萬和689相比，即是說，香港人忍耐力已到極限，香港的特首認受性連一個選美冠軍都不如！

 

最不超越想像的，便是CCTVB新聞河蟹了普選港姐的訪問，你預咗㗎啦，係咪？

 

 

 

 

2

 

港姐撐普選TVB630無播

 

【本報訊】無綫電視前晚出爐的「普選」香港小姐冠軍陳凱琳，昨接受無綫新聞部訪問時，被問及對普選特首的看法。該段題為「陳凱琳握17萬選票撐普選促特首聽民意」的訪問，原安排於昨晚六點半新聞報道播出。但據了解，無綫新聞及資訊部總監袁志偉因不滿訪問「搞到咁政治化」要求抽起。學者及議員認為無綫新聞部過份敏感。袁接受查詢時反問：「香港小姐一定要播㗎咩？」

記者：陳凱迎　姚國雄

昨午無綫安排得獎港姐見傳媒，無綫新聞部由記者劉芷欣訪問陳凱琳。訪問中陳凱琳先表達自己獲投票選為冠軍的感受：「畀人睇到係好公平，就係香港小姐梗係由香港人選番出嚟，所以我覺得係啱嘅咁樣做，同埋個個人都覺得呢個真係名副其實，係我哋想選出嚟嘅香港小姐。」

然後記者的旁白問到，領導香港的特首又應否全民投票選出？旁白引述陳稱，她認為選特首是較複雜問題，她留意到多了要求普選特首的遊行，政府應多聽民意。

 

「依家係適合時候做嘢」
 

播出的訪問中，未見陳直接說出支持普選特首，片段中她說：「始終你做緊嗰個position（位置）嘅時候，你都唔會想話個個人係針對你、反抗，你都會想滿足到佢哋嘅需要。我覺得依家都係個好適合嘅時候去開始做啲嘢，正如我頭先提過，真係開一啲會議，大家可以一齊傾偈，畀一個環境，啲人覺得好安全，可以畀我真係發揮到我啲嘢，而你係真係聽緊我講。」

相關報道於昨午約3時開始在互動新聞台播出。據了解，袁志偉約於昨日近6時步出自己的房間，走向編輯部大聲質問有關港姐的訪問：「點解要搞到咁政治化？」他當時語氣嚴肅，下令「如果係咁呢，咁就唔好出啦。」

 

袁志偉：一定要播咩？
 

無綫6點半新聞播出港姐冠軍的訪問，可說是新聞部的「傳統」。據悉，有關訪問原計劃於昨日6點半新聞報道的尾段播出，卻因為袁的不滿，被調至「dead row」，即若節目超時，便不會播出。結果，昨日的6點半新聞報道，的確沒有播出相關訪問，但無綫新聞的網頁上，仍可收看該段報道，報道題目為「陳凱琳握17萬選票撐普選促特首聽民意」。

本報昨晚就事件向袁志偉查詢，袁只表示：「嘩！香港小姐一定要播㗎咩？唔係個個時段都要播架嘛，《東張西望》大把啦，呢啲個個時段都唔同㗎啦」，然後掛斷電話。無綫發言人只以編輯自主回應。晚上11時新聞則足本播出訪問。

曾任無綫電視記者的立法會議員毛孟靜認為，陳的訪問倘因涉及普選而被刻意抽起，無綫新聞部未免過份敏感，「因為佢（陳凱琳）由10幾萬人選出嚟，個特首就只得689票，呢啲字眼係咪會激怒龍顏？」

 

浸會大學新聞系助理教授杜耀明則認為，無綫應解釋為何主要時段無播出相關訪問，「令人覺得係自我審查，無綫諗到用呢個噱頭（普選港姐），記者就應該會諗到咁問，觀眾都有興趣知道答案」。

無綫前晚舉行的《2013香港小姐競選決賽》，賽制以大會評判評分及觀眾投票各佔百分之50，選出三甲，結果冠軍陳凱琳獲17萬多票。

 

 

3

 

 

陳凱琳受訓示：政治要小心講

 

 

…陳凱琳的港姐撐普選言論惹爭議，除被無綫「河蟹」外，曾志偉也覺得港姐不應談政治，陳凱琳明顯被「訓示」過，昨日亦有所收斂，回答時有點避忌說：「政治係要小心講，自己要好關心同留意，我都唔會唔開心，而且我都主要係講香港小姐選民嘅投票，覺得呢個方法好好，大家都好開心值得去鼓勵。」